Grand Dragon Lotaria hala’o Conferensia de Imprensa ho Comité Olimpico Nasional Timor-Leste no Polisia Transito iha Edifisiu Comité Olimpico Nasional Timor-Leste
Relasiona ho eventu internasional Asian Games 2022 ne’ebe sei realiza iha Nasaun China Hangzhou Setembro 2023, Timor-Leste mos sei partisipa iha eventu refere ho ida ne’e Comité Olimpico Nasional Timor-Leste no Comite Asian Games husi Hangzhou realiza ativiadade Fun Run. Fun Run hanesan ne’e atividade ne’ebe culturalmente halo antes bainhira tempu besik ba Asian Games nian hodi promove no valoriza liu tan.
Objetivu Grand Dragon Lotaria sai patrosinador ba eventu refere atu fo’o esperansa nafatin ba foin sa’e ne’ebe envolve an iha Desportu hodi bele esforsu liu tan atinji sira nia mehi tanba foin sa’e mak hanesan pilares importante ba nasaun nia dezenvolvimentu.
Conferensia de Imprensa refere ne’e rasik partisipa husi Vise-Prezidente Comité Olimpico Nasional Timor-Leste, Prezidente Komisaun Organizadora Fun Run, Polisia Tranzito no CEO.
